Como advertimos desde a Asociación Galega para a Defensa da Sanidade Pública (AGDSP) e desde a Plataforma SOS Sanidade Pública de Vigo, a concesión da construción e xestión do Hospital de Xestión Privada Alvaro Cunqueiro de Vigo a unha unión de bancos, constructuras e xestoras sanitarias, supuxo un tremendo negocio para a concesionaria privada e un mal negocio para a Xuntan e todolxs Galegxs.

1.- As empresas que integran Concessia, recortaron os recursos contemplados no contrato co SERGAS, previstos no concerto asinado co SERGAS, para incrementar as súas ganancias, coa complicidade do SERGAS que autorizou a manobra.

2.- A colaboración público privada supuxo un enorme sobrecuste para as arcas públicas galegas dado que pasou de 450 millóns de euros, a 1350, a pagar en quince anos.

3.- Posteriormente as empresas concesionarias están a vender a súa participación neste pingüe negocio:

• En 2019 a Concesionaria privada, vendeu o 16 % da súa participación ao fondo voitre luxemburgues River Rock.

• Agora, Acciona vendeu outro 43% da súa participación no hospital por 484 millóns de euros a Meridiam, grupo investidor multinacional con sede en Francia.

5.- Todas estas manobras especulativas á conta de recursos sanitarios público (grazas á Colaboración Público-Privada, permitida polo sr. Feijoo) supuxeron uns sobrecustes brutais para o SERGAS, recortes no proxecto, problemas asistenciais para a poboación da área de Vigo e un negocio redondo para as empresas concesionarias.

6.- A suposta xoia da coroa sanitaria de Feijoo (o “Hospital máis avanzado de Europa” segundo as súas palabras) esta sendo partido e vendido a cachos a empresas e fondos de inversión multinacionais que só buscan conseguir enormes beneficios á conta da saúde (e dos cartos) da poboación Galega.

Dende a AGDSP non permitiremos que se desmantele o Sistema Sanitario Público en Galicia e tomaremos as medidas que consideremos oportunas para defender a Sanidade en Galicia