---

A cuestión é qué tipo de centro é o que se vai construir nos terreos do antigo Campo da Ínsua de Caión. Trátase dun centro sociocomunitario ou dun centro comunitario? Vai ser un centro para as veciñas e veciños de Caión ou para os de toda a Costa da Morte? O seu obxecto será o de atender os servizos municipais de carácter social ou vai ser un centro polivalente das actividades da pesca adicado ao mar? 

 

Continúa sen aclarar o goberno municipal que axudas ten comprometidas, de que administracións e para que obxecto. E dicimos todo isto porque, segundo o convenio asinado no ano 2016 co Consorcio Galego de Igualdade e Benestar, do que o concello recibiu os 15.000 euros da primeira anualidade que saibamos (e que rematou a súa vixencia o 31/12/2018, salvo que se aprobara algunha prórroga que descoñecemos) o obxecto do mesmo era a construcción dun centro sociocomunitario en Caión para atender os servizos municipais de carácter social, pero segundo a xustificación achegada polo concello para solicitar a axuda do GALP 3 (que foi denegada en principio por non acreditar a dispoñibilidade do terreo no seu momento, e descoñecemos se volveu haber algunha nova solicitude) o que o concello ía construír era un centro social senón un espacio dedicado ao mar, un centro polivalente das actividades da pesca.

 

 

 

Adxúntase os textos do recollido no convenio co Consorcio Galego de Igualdade e Benestar e na xustificación que desde o concello se presentou para concorrer ás axudas do GALP 3 onde se vé que por unha banda solicitouse ao consorcio financiación para un centro sociocomunitario para atender os servizos municipais de carácter social, e por outra banda indícase ao GALP 3 que non se trata dun centro social senón dun espacio dedicado ao mar como centro polivalente das actividades da pesca., apostilla Xoán M. Sande Muñiz, Portavoz do Grupo Municipal do BNG da Laracha.